San Patrick´s Festival Parade 2007
La Banda Gaites Llacín foi proclamada Campeona del Concursu'l Festival de San Patriciu 2007 cellebráu na ciudá de Dublín-Irlanda esti 17 de marzo de 2007.
Recueyen el premiu BEST OVERALL BAND de manes del Presidente'l Xuráu en nome de tola Banda Lorena Lobeto, Nuria Tarodo (Subdireutora de la Banda ) y Xe M. Sánchez
Xe M.Sánchez recoyendo'l segundu premiu otorgáu a la Banda como meyor banda na so categoría.
Nesti desfile, arriendes de la nuesa banda participaren estremaes formaciones de países como Irlanda, USA, Escocia, Alemania, etc.
Un Xuráu formáu por prestixosos profesionales como Dr Joseph Ryan (Executive Officer of the Defence Forces School of Music and Conductor of The Army n°1 Band of Ireland ) , Dr. G. Hudson (Director of Athletic bands Arizona state university ) Dr. Andrea Strauss(Director of bands Georgia Institute of Technology) y el Dr. Peter Harbeck (Conductor Royal Life Guard's Music Corps) valoraren l'actuación de los gaiteros y percusionistes nes estremaes estayes que puntuaben na competición: calidá musical, aspeutu ya estética, marcialidá nel desfile, aceutación del públicu asistente, etc, algamando nel baremu total la categoría d'ESCELENTE (esto ye, perriba de los 74 puntos sobro 100).
El concursu acoyía les categorías de Professional, Marching Bands, Pipe Bands, Military Bands, University Bands, Señor y Junior High. Esti campeonatu daba los premios que vienen darréu: meyor estética, meyor adautación al espíritu'l festival, arriendes de los algamaos pola Banda Gaites Llacín como meyor banda de la so categoría y el premiu BEST OVERALL BAND (meyor banda'l festival)
Durante'l desfile (Grand Parade) , presenciáu por más de 500000 persones y con una duración de más de dos hores caleyando peles principales cais de la capital irlandesa, un públicu enforma gayoleru y con ganes de folixa pa cellebrar al so patronu nacional, reconoció'l llabor de la Banda.
Yá pela tardi, la banda Gaites Llacín fizo una actuación na GUINNESS STORE HOUSE ( llugar turísticu cimeru en Dublín ) onde recibió l'aplausu de los ellí aconceyaos, ablucaos pola música asturiana.
Semeya coles autoridaes del Ayuntamiento de Dublín na recepción a toles bandes.D'isquierda a drecha , Vitor Carvajal (Direutor de la Banda ) , Nuria Tarodo (Subdireutora ) , Xe M. Sánchez , Lord Mayor Councillor Vincent Jackson (Lord Mayor of Dublín June 2006-May 2007 ) y Miguel Gallego , qu'exerció los llabores de traductor durante tol viaxe.
El nuesu direutor Vitor Carvajal con Vincent Jackson (Lord Mayor of Dublin June 2006 – May 2007)
Ver más semeyes d'esti viaxe y Festival
